kuchh is ada se safiran-e-nau-bahaar chale

kuchh is adā se safīrān-e-nau-bahār chale

salīb dosh pe rakh kar gunāhgār chale

nikal ke kū-e-mohabbat se so.e daar chale

hamāre saath na kyuuñ mausam-e-bahār chale

tumhārī yaad sahī qurbat-e-badan na sahī

kisī tarah to mohabbat kā kārobār chale

hamāre dam se ġham-e-zindagī kī azmat hai

hamāre saath sitam-hā-e-rozgār chale

isī kā naam bahārāñ hai kuchh kaho yaaro

chaman meñ hañste hue aa.e sogvār chale

hazār ham pe ḳharābī guzar ga.ī lekin

lahū se apne tirī anjuman sañvār chale

ik ek saañs haiñ sadiyoñ kā dard shāmil hai

tumhārī bazm meñ vo zindagī guzār chale

kuchh is ada se safiran-e-nau-bahaar chale

salib dosh pe rakh kar gunahgar chale

nikal ke ku-e-mohabbat se soe dar chale

hamare sath na kyun mausam-e-bahaar chale

tumhaari yaad sahi qurbat-e-badan na sahi

kisi tarah to mohabbat ka karobar chale

hamare dam se gham-e-zindagi ki azmat hai

hamare sath sitam-ha-e-rozgar chale

isi ka nam bahaaran hai kuchh kaho yaro

chaman mein hanste hue aae sogwar chale

hazar hum pe KHarabi guzar gai lekin

lahu se apne teri anjuman sanwar chale

ek ek sans hain sadiyon ka dard shamil hai

tumhaari bazm mein wo zindagi guzar chale