kuchh is ada se yar ne juDe ko bal diya

kuchh is adā se yaar ne juuḌe ko bal diyā

dam bhar ko do jahān kā naqsha badal diyā

ab ke junūñ meñ ‘ālam-e-vahshat kā hai ye haal

zindāñ se lauTā maiñ to bayābāñ ko chal diyā

chehre pe hai ye nūr-e-'ibādat ki phir ai shaiḳh

ġhāza kisī ne lā ke tire muñh pe mal diyā

sote se un kī aañkh khulī jab uchhal paḌe

zulfoñ ko apnī saañp samajh kar kuchal diyā

ranj-o-sitam musībat-o-dard-o-ġham-o-alam

merī vafā kā aap ne kyā kyā na phal diyā

shab haal kyā marīz-e-mohabbat kā thā na pūchh

taḌpā taḌap ke muñh se lahū tak ugal diyā

nāz-o-adā unhī ke uThā.e tamām 'umr

ḳhud kī anā ko paañv ke nīche masal diyā

kuchh is ada se yar ne juDe ko bal diya

dam bhar ko do jahan ka naqsha badal diya

ab ke junun mein ‘alam-e-wahshat ka hai ye haal

zindan se lauTa main to bayaban ko chal diya

chehre pe hai ye nur-e-'ibaadat ki phir ai shaiKH

ghaza kisi ne la ke tere munh pe mal diya

sote se un ki aankh khuli jab uchhal paDe

zulfon ko apni sanp samajh kar kuchal diya

ranj-o-sitam musibat-o-dard-o-gham-o-alam

meri wafa ka aap ne kya kya na phal diya

shab haal kya mariz-e-mohabbat ka tha na puchh

taDpa taDap ke munh se lahu tak ugal diya

naz-o-ada unhi ke uThae tamam 'umr

KHud ki ana ko panw ke niche masal diya