kuchh is tarah bhi humne guzari hai pyar mein

kuchh is tarah bhī ham ne guzārī hai pyaar meñ

dil meñ hujūm-e-yās nigah intizār meñ

ab bazm-e-aish se bhī uThā jā rahā hai dil

ab lutf aa rahā hai ġham-e-rozgār meñ

bechainiyoñ kī merī tujhe kuchh ḳhabar bhī hai

āñkheñ bichhī huī haiñ tire intizār meñ

duniyā kī ūñch-nīch meñ kuchh kuchh sañbhal ga.e

ab hausle na.e haiñ dil-e-be-qarār meñ

har zarra-e-zamīñ ko banā.eñge āftāb

fursat mile jo zindagī-e-musta.ār meñ

kal amn kī talāsh meñ nikle the qāfile

ab aa ke ruk ga.e haiñ tirī rahguzār meñ

kuchh is tarah bhi hum ne guzari hai pyar mein

dil mein hujum-e-yas nigah intizar mein

ab bazm-e-aish se bhi uTha ja raha hai dil

ab lutf aa raha hai gham-e-rozgar mein

bechainiyon ki meri tujhe kuchh KHabar bhi hai

aankhen bichhi hui hain tere intizar mein

duniya ki unch-nich mein kuchh kuchh sanbhal gae

ab hausle nae hain dil-e-be-qarar mein

har zarra-e-zamin ko banaenge aaftab

fursat mile jo zindagi-e-mustaar mein

kal amn ki talash mein nikle the qafile

ab aa ke ruk gae hain teri rahguzar mein