kuchh is tarah dil se ishq us ka nikalna hai
kuchh is tarah dil se ishq us kā nikālnā hai
baġhair gullak ko toḌe sikka nikālnā hai
maiñ jāntā huuñ mohabbatoñ kā maqām-e-āḳhir
so us ke kamre se mujh ko pañkhā nikālnā hai
nikāl pheñkī ghaḌī kalā.ī se us kī dī huī
ab apne ḳhātir ik-ādh ghanTa nikālnā hai
zamīn khodeñ jinheñ banānī haiñ qabr-gāheñ
zamīn joteñ jinheñ ḳhazāna nikālnā hai
nikāl laayā jo mujh ko lahroñ kī sāzishoñ se
mujhe samundar se ab vo tinkā nikālnā hai
kuchh is tarah dil se ishq us ka nikalna hai
baghair gullak ko toDe sikka nikalna hai
main jaanta hun mohabbaton ka maqam-e-aKHir
so us ke kamre se mujh ko pankha nikalna hai
nikal phenki ghaDi kalai se us ki di hui
ab apne KHatir ik-adh ghanTa nikalna hai
zamin khoden jinhen banani hain qabr-gahen
zamin joten jinhen KHazana nikalna hai
nikal laya jo mujh ko lahron ki sazishon se
mujhe samundar se ab wo tinka nikalna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
