kuchh is tarah wajud mera be-hisi mein tha

kuchh is tarah vajūd mirā be-hisī meñ thā

ehsās-e-ġham na lutf-e-ḳhushī zindagī meñ thā

iblīs kī adā.eñ uḌā le ga.iiñ use

shāmil jo ek sajda mirī bandagī meñ thā

chhoḌo ḳhayāl-e-hosh-o-ḳhirad mujh ko jaam do

is āgahī se baḌh ke maza be-ḳhudī meñ thā

sūraj luTā rahā thā matā.a-e-hayāt-e-nau

tere baġhair dil kā kañval bekalī meñ thā

mere karam se zarre bhī ḳhurshīd ban ga.e

maiñ sham-e-zindagī thā 'ziyā' tīrgī meñ thā

kuchh is tarah wajud mera be-hisi mein tha

ehsas-e-gham na lutf-e-KHushi zindagi mein tha

iblis ki adaen uDa le gain use

shamil jo ek sajda meri bandagi mein tha

chhoDo KHayal-e-hosh-o-KHirad mujh ko jam do

is aagahi se baDh ke maza be-KHudi mein tha

suraj luTa raha tha mataa-e-hayat-e-nau

tere baghair dil ka kanwal bekali mein tha

mere karam se zarre bhi KHurshid ban gae

main sham-e-zindagi tha 'ziya' tirgi mein tha