kuchh itna KHauf ka mara hua bhi pyar na ho
kuchh itnā ḳhauf kā maarā huā bhī pyaar na ho
vo e'tibār dilā.e aur e'tibār na ho
havā ḳhilāf ho maujoñ pe iḳhtiyār na ho
ye kaisī zid hai ki dariyā kisī se paar na ho
maiñ gaañv lauT rahā huuñ bahut dinoñ ke baad
ḳhudā kare ki use merā intizār na ho
zarā sī baat pe ghuT ghuT ke sub.h kar denā
mirī tarah bhī koī merā ġham-gusār na ho
dukhī samāj meñ aañsū bhare zamāne meñ
use ye kaun batā.e ki ashk-bār na ho
gunāhgāroñ pe uñglī uThā.e dete ho
'vasīm' aaj kahīñ tum bhī sañgsār na ho
kuchh itna KHauf ka mara hua bhi pyar na ho
wo e'tibar dilae aur e'tibar na ho
hawa KHilaf ho maujon pe iKHtiyar na ho
ye kaisi zid hai ki dariya kisi se par na ho
main ganw lauT raha hun bahut dinon ke baad
KHuda kare ki use mera intizar na ho
zara si baat pe ghuT ghuT ke subh kar dena
meri tarah bhi koi mera gham-gusar na ho
dukhi samaj mein aansu bhare zamane mein
use ye kaun batae ki ashk-bar na ho
gunahgaron pe ungli uThae dete ho
'wasim' aaj kahin tum bhi sangsar na ho
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
