kuchh kah ke usne phir mujhe diwana kar diya

kuchh kah ke us ne phir mujhe dīvāna kar diyā

itnī sī baat thī jise afsāna kar diyā

vo shab ko be-hijāb jo mahfil meñ aa ga.e

kyā nuur thā ki sham.a ko parvāna kar diyā

is dil kī hai bahār-o-ḳhizāñ un ke haath meñ

gulshan banā diyā kabhī vīrāna kar diyā

chāhā jise ki dil se ye ho jaa.e āshnā

donoñ jahān se use begāna kar diyā

kyā mere dil ke saath kiyā ishq ne sulūk

ik āshnā thā us ko bhī begāna kar diyā

kuchh kah ke us ne phir mujhe diwana kar diya

itni si baat thi jise afsana kar diya

wo shab ko be-hijab jo mahfil mein aa gae

kya nur tha ki shama ko parwana kar diya

is dil ki hai bahaar-o-KHizan un ke hath mein

gulshan bana diya kabhi virana kar diya

chaha jise ki dil se ye ho jae aashna

donon jahan se use begana kar diya

kya mere dil ke sath kiya ishq ne suluk

ek aashna tha us ko bhi begana kar diya