kuchh KHak se hai kaam kuchh is KHak-dan se hai
kuchh ḳhaak se hai kaam kuchh is ḳhāk-dāñ se hai
jaanā hai duur aur guzarnā yahāñ se hai
dil apnī rā.egānī se zinda hai ab talak
ābād ye jahāñ bhī ġhubār-e-jahāñ se hai
bas ḳhaak paḌ ga.ī hai badan par zamīn kī
varna mushābahat to mirī āsmāñ se hai
dil bhī yahī hai vaqt bhī manzar bhī niiñd bhī
jaanā kahāñ hai ḳhvāb meñ jaanā kahāñ se hai
ik dāstāñ qadīm hai ik dāstāñ darāz
hai shaam jis kā naam vo kis dāstāñ se hai
vābasta mez-posh ke phūloñ kī zindagī
mehmān se hai mez se hai mezbāñ se hai
kuchh KHak se hai kaam kuchh is KHak-dan se hai
jaana hai dur aur guzarna yahan se hai
dil apni raegani se zinda hai ab talak
aabaad ye jahan bhi ghubar-e-jahan se hai
bas KHak paD gai hai badan par zamin ki
warna mushabahat to meri aasman se hai
dil bhi yahi hai waqt bhi manzar bhi nind bhi
jaana kahan hai KHwab mein jaana kahan se hai
ek dastan qadim hai ek dastan daraaz
hai sham jis ka nam wo kis dastan se hai
wabasta mez-posh ke phulon ki zindagi
mehman se hai mez se hai mezban se hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
