kuchh lahu to farozan hamara bhi hai
kuchh lahū to farozāñ hamārā bhī hai
shahr par itnā ehsāñ hamārā bhī hai
dekhnā baḳhiya-e-jāma-e-vaqt meñ
ek tār-e-garebāñ hamārā bhī hai
haq-bayānoñ kī ḳhātir hai vus.at baḌī
kuchh yahī ḳhvāb-e-zindāñ hamārā bhī hai
vo jo fard-e-vafā meñ qalam-zad hue
naam un meñ numāyāñ hamārā bhī hai
har kaḌe vaqt se sahl guzre magar
in dinoñ dil pareshāñ hamārā bhī hai
kuchh to Dhab ho ki ab apnī nasleñ kaheñ
ye dayār-e-buzurgāñ hamārā bhī hai
jab se jaagā hai ġhazloñ meñ shahr-e-navā
rutba-dāñ har suḳhan-dāñ hamārā bhī hai
kuchh lahu to farozan hamara bhi hai
shahr par itna ehsan hamara bhi hai
dekhna baKHiya-e-jama-e-waqt mein
ek tar-e-gareban hamara bhi hai
haq-bayanon ki KHatir hai wusat baDi
kuchh yahi KHwab-e-zindan hamara bhi hai
wo jo fard-e-wafa mein qalam-zad hue
nam un mein numayan hamara bhi hai
har kaDe waqt se sahl guzre magar
in dinon dil pareshan hamara bhi hai
kuchh to Dhab ho ki ab apni naslen kahen
ye dayar-e-buzurgan hamara bhi hai
jab se jaga hai ghazlon mein shahr-e-nawa
rutba-dan har suKHan-dan hamara bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
