کچھ لوگ صرف ہم کو ستانے میں رہ گئے

کچھ لوگ صرف ہم کو ستانے میں رہ گئے

اور ہم تعلقات نبھانے میں رہ گئے

ہم نے تو مشکلات میں منزل تلاش کی

اک وہ ہے جو کہ ہم کو گرانے میں رہ گئے

دل تک کسی کے جانا ہے پر جائیں کس طرح

جانا تو چاہتے تھے نہ جانے میں رہ گئے

اپنے اتیت سے کیا سمجھوتا نہ کبھی

کچھ یادگار پل بھی بھلانے میں رہ گئے

ہم نے تو درد کی نئی رچنائیں لکھ بھی دیں

کچھ لوگ صرف کھانے کمانے میں رہ گئے

گر تو خدا نہیں ہے تو اتنا گھمنڈ کیوں

ہم اس کو یہ بھی یاد دلانے میں رہ گئے

اس نے ہمارے پاؤں میں زنجیر ڈال دی

ہم اس سے صرف ہاتھ ملانے میں رہ گئے

جن کے لیے ہون میں ہوئی ساری زندگی

وہ لوگ بس مجھی کو جلانے میں رہ گئے

کچھ اور ان سے ہو نہ سکا انجناؔ تو پھر

وہ مجھ کو اپنا رعب دکھانے میں رہ گئے