کچھ نہیں ہے پاس میرے اس زمانے کے لیے

کچھ نہیں ہے پاس میرے اس زمانے کے لیے

آج میں نکلا ہوں خود پیسہ کمانے کے لیے

گاؤں چھوڑا اور سب کو الوداع کہنا پڑا

یار بس دو وقت کی روٹی جٹانے کے لیے

مانتا ہوں آج بھی ان پڑھ ہیں کچھ مائیں مگر

کیا نہیں کرتی ہیں بچوں کو پڑھانے کے لیے

جب برا لگتا ہے تجھ کو نام بھی سن کے میرا

تو کروں کیوں بات تیرا دل دکھانے کے لیے

ساتھ میرے تم نہ رؤو بس یہی میں سوچ کر

کرتا ہوں کوشش بہت آنسو چھپانے کے لیے

یار موہکؔ تو جو ایسا ہی رہا تو ایک دن

جان بھی دے سکتا ہے یاری نبھانے کے لیے