کچھ نہیں تیرے سوا سوچتے ہیں

کچھ نہیں تیرے سوا سوچتے ہیں

تجھ کو ہی بہر خدا سوچتے ہیں

دیکھ کر چاند ستاروں کی روش

ہم ترے گھر کا پتا سوچتے ہیں

چھوڑیئے عشق کا فرسودہ خیال

آئیے کچھ تو نیا سوچتے ہیں

تیرے بن کیسے گزرتی یہ حیات

جاں ہی نکلے جو ذرا سوچتے ہیں

ہم جو بوئیں گے وہی کاٹیں گے

پھر بھی اوروں کا برا سوچتے ہیں

ٹوٹ کر پھر نہیں جڑتا ہے دل

یہ کہاں اہل جفا سوچتے ہیں

تم کہ اپنوں سے عداوت ہے تمہیں

ہم کہ غیروں کا بھلا سوچتے ہیں