kuchh naya kaam nae taur se karne ke liye

kuchh nayā kaam na.e taur se karne ke liye

log mauqa.a hī nahīñ dete sudharne ke liye

jaao jā kar ke ġharīboñ ke diloñ meñ jhāñko

kitnī bechain tamannā.eñ haiñ marne ke liye

us pe marte ho to phir duniyā kī parvā kaisī

ishq hotā hai miyāñ had se guzarne ke liye

koī āsānī se fankār nahīñ bantā hai

muddateñ chāhiye ik fan ko nikharne ke liye

muñh uThā kar ke phir aa.ī hai ye tauba tauba

shab judā.ī kī mire ghar meñ Thaharne ke liye

kisī doshīza kī zulfeñ ye nahīñ qismat hai

vaqt lagtā hai bahut us ko sañvarne ke liye

aaj is baat kā ehsās huā hai mujh ko

ḳhvāb 'mohsin' the mire sirf bikharne ke liye

kuchh naya kaam nae taur se karne ke liye

log mauqa hi nahin dete sudharne ke liye

jao ja kar ke gharibon ke dilon mein jhanko

kitni bechain tamannaen hain marne ke liye

us pe marte ho to phir duniya ki parwa kaisi

ishq hota hai miyan had se guzarne ke liye

koi aasani se fankar nahin banta hai

muddaten chahiye ek fan ko nikharne ke liye

munh uTha kar ke phir aai hai ye tauba tauba

shab judai ki mere ghar mein Thaharne ke liye

kisi doshiza ki zulfen ye nahin qismat hai

waqt lagta hai bahut us ko sanwarne ke liye

aaj is baat ka ehsas hua hai mujh ko

KHwab 'mohsin' the mere sirf bikharne ke liye