kuchh nazakat na ho shoKHi na ho andaz na ho

kuchh nazākat na ho shoḳhī na ho andāz na ho

husn vo husn kyā jis husn meñ kuchh naaz na ho

zulm ke saath hai ye shart bhī us zālim kī

aah nikle bhī agar koī to āvāz na ho

baat jo hotī hai hoñToñ ko batā detā hai

dil ke jaisā bhī kisī kā koī hamrāz na ho

mere sayyād ne ye soch ke par kaaT diye

ab qafas meñ bhī kahīñ hasrat-e-parvāz na ho

husn to ishq kī shiddat se nikhartā hai 'bilāl'

taaj be-kār hai jab tak koī mumtāz na ho

kuchh nazakat na ho shoKHi na ho andaz na ho

husn wo husn kya jis husn mein kuchh naz na ho

zulm ke sath hai ye shart bhi us zalim ki

aah nikle bhi agar koi to aawaz na ho

baat jo hoti hai honTon ko bata deta hai

dil ke jaisa bhi kisi ka koi hamraaz na ho

mere sayyaad ne ye soch ke par kaT diye

ab qafas mein bhi kahin hasrat-e-parwaz na ho

husn to ishq ki shiddat se nikharta hai 'bilal'

taj be-kar hai jab tak koi mumtaz na ho