کچھ نظر اور جھکا کر ملنا
کچھ نظر اور جھکا کر ملنا
مجھ کو پلکوں میں چھپا کر ملنا
شہر دل شہر خموشاں تو نہیں
پھر بھی تم پاؤں دبا کر ملنا
پیر اشکوں سے دھلا دوں گا میں
تم مرے گھر کبھی آ کر ملنا
نیند آنکھوں میں بھلی لگتی ہے
مجھ کو نیندوں میں بسا کر ملنا
مجھ کو آواز نہ دینا ہرگز
میری تنہائی پہ چھا کر ملنا
وہ جو چپ چاپ سا بیٹھا ہے وہاں
اس کی آنکھوں میں سما کر ملنا
ہاں وہی شخص ہے اقبال متینؔ
آئنہ اس کو دکھا کر ملنا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
