kuchh qadam aur mujhe jism ko Dhona hai yahan
kuchh qadam aur mujhe jism ko Dhonā hai yahāñ
saath laayā huuñ usī ko jise khonā hai yahāñ
bhiiḌ chhaT jā.egī pal meñ ye ḳhabar uḌte hī
ab koī aur tamāshā nahīñ honā hai yahāñ
ye bhañvar kaun sā motī mujhe de saktā hai
baat ye hai ki mujhe ḳhud ko Dubonā hai yahāñ
kyā milā dasht meñ aa kar tire dīvāne ko
ghar ke jaisā hī agar jāgnā sonā hai yahāñ
kuchh bhī ho jaa.e na mānūñgā magar jism kī baat
aaj mujrim to kisī aur ko honā hai yahāñ
yuuñ bhī darkār hai mujh ko kisī bīnā.ī kā lams
ab kisī aur kā honā mirā honā hai yahāñ
ashk palkoñ pe sajā luuñ maiñ abhī se 'shāriq'
shab hai baaqī to tirā zikr bhī honā hai yahāñ
kuchh qadam aur mujhe jism ko Dhona hai yahan
sath laya hun usi ko jise khona hai yahan
bhiD chhaT jaegi pal mein ye KHabar uDte hi
ab koi aur tamasha nahin hona hai yahan
ye bhanwar kaun sa moti mujhe de sakta hai
baat ye hai ki mujhe KHud ko Dubona hai yahan
kya mila dasht mein aa kar tere diwane ko
ghar ke jaisa hi agar jagna sona hai yahan
kuchh bhi ho jae na manunga magar jism ki baat
aaj mujrim to kisi aur ko hona hai yahan
yun bhi darkar hai mujh ko kisi binai ka lams
ab kisi aur ka hona mera hona hai yahan
ashk palkon pe saja lun main abhi se 'shaariq'
shab hai baqi to tera zikr bhi hona hai yahan
- Book : Khidki To Main Ne Khol Hi Li (Pg. 60)
- Author :Shariq Kaifi
- Publication : Rekhta Publications
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
