کچھ سناؤ کہ جی نہیں لگتا
کچھ سناؤ کہ جی نہیں لگتا
گنگناؤ کہ جی نہیں لگتا
دھڑکنوں میں ذرا تو ہلچل ہو
پاس آؤ کہ جی نہیں لگتا
کب سے روٹھی میں تم سے بیٹھی ہوں
اب مناؤ کہ جی نہیں لگتا
مجھ پہ حق ہے تمہارا جان جاں
حق جتاؤ کے جی نہیں لگتا
مجھ سے اصلاح لو رقیبوں پر
جی جلاؤ کہ جی نہیں لگتا
خود کو کتنا میں توڑ سکتی ہوں
آزماؤ کہ جی نہیں لگتا
میری دنیا کی آفتاب ہو تم
جگمگاؤ کہ جی نہیں لگتا
اب نہ تاروں سے رات مانے گی
چاند لاؤ کہ جی نہیں لگتا
آخری آس ٹوٹنے کو ہے
لوٹ آؤ کہ جی نہیں لگتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
