kuchh sunao ki ji nahin lagta

kuchh sunāo ki jī nahīñ lagtā

gungunāo ki jī nahīñ lagtā

dhaḌkanoñ meñ zarā to halchal ho

paas aao ki jī nahīñ lagtā

kab se rūThī maiñ tum se baiThī huuñ

ab manāo ki jī nahīñ lagtā

mujh pe haq hai tumhārā jān-e-jāñ

haq jatāo ke jī nahīñ lagtā

mujh se islāh lo raqīboñ par

jī jalāo ki jī nahīñ lagtā

ḳhud ko kitnā maiñ toḌ saktī huuñ

āzmāo ki jī nahīñ lagtā

merī duniyā kī āftāb ho tum

jagmagāo ki jī nahīñ lagtā

ab na tāroñ se raat mānegī

chāñd laao ki jī nahīñ lagtā

āḳhirī aas TūTne ko hai

lauT aao ki jī nahīñ lagtā

kuchh sunao ki ji nahin lagta

gungunao ki ji nahin lagta

dhaDkanon mein zara to halchal ho

pas aao ki ji nahin lagta

kab se ruThi main tum se baiThi hun

ab manao ki ji nahin lagta

mujh pe haq hai tumhaara jaan-e-jaan

haq jatao ke ji nahin lagta

mujh se islah lo raqibon par

ji jalao ki ji nahin lagta

KHud ko kitna main toD sakti hun

aazmao ki ji nahin lagta

meri duniya ki aaftab ho tum

jagmagao ki ji nahin lagta

ab na taron se raat manegi

chand lao ki ji nahin lagta

aaKHiri aas TuTne ko hai

lauT aao ki ji nahin lagta