kuchh to batate jao masum zindagi hai

kuchh to batāte jaao ma.asūm zindagī hai

tārīkiyāñ kahāñ haiñ kis jā pe raushnī hai

be-chehragī ke qisse is meñ bhare paḌe haiñ

apnī sadī bhī kitnī be-rang sī sadī hai

ik ruḳh jahāñ kī ḳhātir ik ruḳh hai merā apnā

bāhar hañsī hai lab par andar se dil dukhī hai

ham kyā batā.eñ tum ko kyā rah gayā hai kahnā

ye zindagī hamārī hijrat meñ kaT ga.ī hai

lagtā hai is zamīñ ke din aa ga.e haiñ nazdīk

bāliġh-nazar mirī ye mahsūs kar rahī hai

tere sitam se us ne merā surāġh paayā

bijlī jo āsmāñ se sar par mire girī hai

mere qarīb aa kar sāthī vo merā ban kar

mere ḳhilāf sāzish us ne 'nazar' rachī hai

kuchh to batate jao masum zindagi hai

tarikiyan kahan hain kis ja pe raushni hai

be-chehragi ke qisse is mein bhare paDe hain

apni sadi bhi kitni be-rang si sadi hai

ek ruKH jahan ki KHatir ek ruKH hai mera apna

bahar hansi hai lab par andar se dil dukhi hai

hum kya bataen tum ko kya rah gaya hai kahna

ye zindagi hamari hijrat mein kaT gai hai

lagta hai is zamin ke din aa gae hain nazdik

baaligh-nazar meri ye mahsus kar rahi hai

tere sitam se us ne mera suragh paya

bijli jo aasman se sar par mere giri hai

mere qarib aa kar sathi wo mera ban kar

mere KHilaf sazish us ne 'nazar' rachi hai