کچھ تو اس کرب مسلسل کی دوا دو مجھ کو

کچھ تو اس کرب مسلسل کی دوا دو مجھ کو

کوئی نغمہ ہی محبت کا سنا دو مجھ کو

پیاس اب حد سے گزرنے کی تمنائی ہے

اپنی مخمور نگاہوں سے پلا دو مجھ کو

بے خیالی کے لیے تم سے معافی لیکن

تم اسے جرم سمجھتے ہو سزا دو مجھ کو

اس سے پہلے کہ میں صحرا میں بھٹک جاؤں کہیں

میرے رستوں میری منزل کا پتہ دو مجھ کو

میں کسے کہہ دوں زمانہ میں تمہارے جیسا

دوسرا کوئی تو اپنا سا دکھا دو مجھ کو

اتنا دشوار نہیں ہوں کہ سمجھ ہی نہ سکو

اتنا آساں بھی نہیں ہوں کہ بھلا دو مجھ کو