kuchh to naya kiya hai hawa ne pata karo

kuchh to nayā kiyā hai havā ne patā karo

barham haiñ kyuuñ charāġh purāne patā karo

merā bhī ek abr ke TukḌe pe naam hai

aa.egā kab vo pyaas baḌhāne patā karo

kis kis ne sabz peḌ girā.e haiñ is baras

bārish ne āñdhiyoñ ne havā ne patā karo

kuchh din se maslahat kā janāza uThā.e haiñ

jā.eñge kis taraf ye dīvāne patā karo

shohrat kī raushnī ho ki nafrat kī tīrgī

kyā kyā use diyā hai ḳhudā ne patā karo

duniyā pe koī aib lagāne se peshtar

duniyā ke saare aib purāne patā karo

'anjum' ko hāfize pe bahut apne naaz hai

khātā hai kis anaaj ke daane patā karo

kuchh to naya kiya hai hawa ne pata karo

barham hain kyun charagh purane pata karo

mera bhi ek abr ke TukDe pe nam hai

aaega kab wo pyas baDhane pata karo

kis kis ne sabz peD girae hain is baras

barish ne aandhiyon ne hawa ne pata karo

kuchh din se maslahat ka janaza uThae hain

jaenge kis taraf ye diwane pata karo

shohrat ki raushni ho ki nafrat ki tirgi

kya kya use diya hai KHuda ne pata karo

duniya pe koi aib lagane se peshtar

duniya ke sare aib purane pata karo

'anjum' ko hafize pe bahut apne naz hai

khata hai kis anaj ke dane pata karo