kuchh to uski be-hisi se mar gae

kuchh to us kī be-hisī se mar ga.e

aur kuchh sāda-dilī se mar ga.e

kuchh to us ne lauT kar dekhā nahīñ

jo bache the mai-kashī se mar ga.e

ham ne us ko der tak dekhā kiyā

aur us kī sādgī se mar ga.e

dil meñ armāñ aur lab par kuchh nahīñ

ham to ḳhud kī buzdilī se mar ga.e

ab faqat sāñseñ bachī haiñ dostoñ

ham to kab kā zindagī se mar ga.e

kuchh to us ki be-hisi se mar gae

aur kuchh sada-dili se mar gae

kuchh to us ne lauT kar dekha nahin

jo bache the mai-kashi se mar gae

hum ne us ko der tak dekha kiya

aur us ki sadgi se mar gae

dil mein arman aur lab par kuchh nahin

hum to KHud ki buzdili se mar gae

ab faqat sansen bachi hain doston

hum to kab ka zindagi se mar gae