kuchh tum bahak gae the to kuchh main bahak gaya

kuchh tum bahak ga.e the to kuchh maiñ bahak gayā

phir zindagī kī gaaḌī kā pahiya sarak gayā

pathrāv tab huā hai ta'alluq kī fasl par

jab zindagī ke khet kā har gehūñ pak gayā

chheḌā hai jab kisī ne mohabbat ke giit ko

dil meñ tumhārī yaad kā ġhuncha chaTak gayā

utrā vo naujavān jo daulat kī car se

siine se laḌkiyoñ ke dupaTTa sarak gayā

qismat-navāz log to raste ke ho ga.e

himmat javāñ thī jis kī vahī chāñd tak gayā

būḌhā huā jo baap to beTī javāñ huī

kuchh aur bojh baḌh ga.e to jism thak gayā

kuchh tum bahak gae the to kuchh main bahak gaya

phir zindagi ki gaDi ka pahiya sarak gaya

pathraw tab hua hai ta'alluq ki fasl par

jab zindagi ke khet ka har gehun pak gaya

chheDa hai jab kisi ne mohabbat ke git ko

dil mein tumhaari yaad ka ghuncha chaTak gaya

utra wo naujawan jo daulat ki car se

sine se laDkiyon ke dupaTTa sarak gaya

qismat-nawaz log to raste ke ho gae

himmat jawan thi jis ki wahi chand tak gaya

buDha hua jo bap to beTi jawan hui

kuchh aur bojh baDh gae to jism thak gaya