kuchh us maqam se ab dil ka karwan guzre

kuchh us maqām se ab dil kā kārvāñ guzre

yaqīñ kī had se jo guzre to be-zabāñ guzre

ye ittifāq kahāñ hai ki aañkh bhar aa.ī

mohabbatoñ meñ koī kaise be-nishāñ guzre

mujhī se ho ke guzartī hai raah duniyā kī

so mujh se ho ke zamīñ aur āsmāñ guzre

ta.alluqāt meñ vo marhale bhī kaise the

yaqīn aur gumāñ ke jo darmiyāñ guzre

tilism-e-rañg meñ uljhe hue haiñ sab 'dānish'

jo dekhne haiñ vo manzar abhī kahāñ guzre

kuchh us maqam se ab dil ka karwan guzre

yaqin ki had se jo guzre to be-zaban guzre

ye ittifaq kahan hai ki aankh bhar aai

mohabbaton mein koi kaise be-nishan guzre

mujhi se ho ke guzarti hai rah duniya ki

so mujh se ho ke zamin aur aasman guzre

talluqat mein wo marhale bhi kaise the

yaqin aur guman ke jo darmiyan guzre

tilism-e-rang mein uljhe hue hain sab 'danish'

jo dekhne hain wo manzar abhi kahan guzre