کچھ یہاں فرق ہے اپنے کا نہ بیگانے کا

کچھ یہاں فرق ہے اپنے کا نہ بیگانے کا

ایک دستور ہے ہر دور میں میخانے کا

رقص مینا ہے نہ وہ دور ہے پیمانے کا

ان دنوں حال ہی کچھ اور ہے میخانے کا

میں تو ہر حال میں جی لوں گا مگر جلوۂ دوست

بن ترے دل نہیں گوشہ ہے یہ ویرانے کا

شہرت عام تو حاصل تھی پر ایسی بھی نہ تھی

لوگ عنوان بنا لیں مجھے افسانے کا

وہ گیا وقت کہ جب دل کو نہ تھی غم سے نجات

یہ زمانہ تو ہے ہنس ہنس کے جئے جانے کا

ایسے کھوئے رہے ہم راہ روی میں عظمتؔ

ہوش آیا نہیں منزل پہ ٹھہر جانے کا