kufr se matlab hai na islam se

kufr se matlab hai na islām se

hai ġharaz ma.ashūq-e-ḳhush-andām se

hai ġharaz ḳhum se subū se jaam se

kaam hai ham ko mai-e-gulfām se

dafn kar ke haa.e kahtā hai koī

qabr meñ ab so raho ārām se

qāf-o-lām-o-qāf hai har dam hameñ

ḳhush adū hai vaav sād-o-lām se

kyā ġharaz aa.eñ ayādat ko vo kyuuñ

un ko kab fursat hai apne kaam se

hazrat-e-ādam jo nikle ḳhuld se

ham bhī nikle kūcha-e-asnām se

chashm-e-jānāñ kī ġhalat tashbīh hai

is ko kuchh nisbat nahīñ bādām se

jo halāvat is meñ hai us meñ kahāñ

qand phīkā hai tirī dushnām se

jaa.eñ ham kahiye to ai 'sābir' kahāñ

vāsta hai ik but-e-ḳhud-kām se

kufr se matlab hai na islam se

hai gharaz mashuq-e-KHush-andam se

hai gharaz KHum se subu se jam se

kaam hai hum ko mai-e-gulfam se

dafn kar ke hae kahta hai koi

qabr mein ab so raho aaram se

qaf-o-lam-o-qaf hai har dam hamein

KHush adu hai waw sad-o-lam se

kya gharaz aaen ayaadat ko wo kyun

un ko kab fursat hai apne kaam se

hazrat-e-adam jo nikle KHuld se

hum bhi nikle kucha-e-asnam se

chashm-e-jaanan ki ghalat tashbih hai

is ko kuchh nisbat nahin baadam se

jo halawat is mein hai us mein kahan

qand phika hai teri dushnam se

jaen hum kahiye to ai 'sabir' kahan

wasta hai ek but-e-KHud-kaam se