kunisht-o-kaba mein mushtarak hai chahaar-dhamon mein mushtarak hai

kunisht-o-kā'ba meñ mushtarak hai chahār-dhāmoñ meñ mushtarak hai

ki ik aqīdat kī rahguzar hai jo in maqāmoñ meñ mushtarak hai

badan pe koḌoñ kī zarb sahnā magar zabānoñ se kuchh na kahnā

yaqīn jaano ye vo sifat hai jo sab ġhulāmoñ meñ mushtarak hai

ujaaḌ rastoñ pe bhaTke qadmoñ kī sansanāhaT gavāhī degī

ki yās-o-hasrat kā zard mausam hamārī shāmoñ meñ mushtarak hai

mujhe kahāñ unsiyat huī thī hurūf-e-abjad kī taḳhtiyoñ se

magar vo ik harf-e-avvalīñ jo hamāre nāmoñ meñ mushtarak hai

chalo grammar bhī dekhte haiñ 'muhib' hai faa.el to fe.al kyā hai

javāb hogā yahī mohabbat jo apne kāmoñ meñ mushtarak hai

kunisht-o-ka'ba mein mushtarak hai chahaar-dhamon mein mushtarak hai

ki ek aqidat ki rahguzar hai jo in maqamon mein mushtarak hai

badan pe koDon ki zarb sahna magar zabanon se kuchh na kahna

yaqin jaano ye wo sifat hai jo sab ghulamon mein mushtarak hai

ujaD raston pe bhaTke qadmon ki sansanahaT gawahi degi

ki yas-o-hasrat ka zard mausam hamari shamon mein mushtarak hai

mujhe kahan unsiyat hui thi huruf-e-abjad ki taKHtiyon se

magar wo ek harf-e-awwalin jo hamare namon mein mushtarak hai

chalo grammar bhi dekhte hain 'muhib' hai fael to feal kya hai

jawab hoga yahi mohabbat jo apne kaamon mein mushtarak hai