kunThaen daman mein chhupae trishnaon ki pyas liye

kunThā.eñ dāman meñ chhupā.e trishnāoñ kī pyaas liye

bādal shahr-shahr phirte haiñ ab shāyad sannyās liye

ai marghaT kī shānt chitāo tum ne kyā mahsūs kiyā

uThtī haiñ duniyā se lāsheñ āḳhir kyā vishvās liye

raah dikhāo mast havāoñ ko sunsān jazīroñ kī

ye āvāra ghuum rahī haiñ jaane kaisī yaas liye

shīshe se mil kar kyā hogā chūr-chūr ho jā.ūñgā

patthar huuñ dānista maiñ ne janam-janam ban-bās liye

soch rahā huuñ duub na jaa.e baaḌh ke bahte paanī meñ

kashtī meñ baiThā vo musāfir mallāhoñ kī aas liye

gahrā.ī meñ jhāñk ke dekho 'ashk' bahut kuchh pāoge

apnā apnā duniyā meñ sab chīzeñ haiñ itihās liye

kunThaen daman mein chhupae trishnaon ki pyas liye

baadal shahr-shahr phirte hain ab shayad sannyas liye

ai marghaT ki shant chitao tum ne kya mahsus kiya

uThti hain duniya se lashen aaKHir kya wishwas liye

rah dikhao mast hawaon ko sunsan jaziron ki

ye aawara ghum rahi hain jaane kaisi yas liye

shishe se mil kar kya hoga chur-chur ho jaunga

patthar hun danista main ne janam-janam ban-bas liye

soch raha hun dub na jae baDh ke bahte pani mein

kashti mein baiTha wo musafir mallahon ki aas liye

gahrai mein jhank ke dekho 'ashk' bahut kuchh paoge

apna apna duniya mein sab chizen hain itihas liye