kushta-e-yas hun ummid se kya kaam mujhe

kushta-e-yās huuñ ummīd se kyā kaam mujhe

na taḌap aur na taḌpā dil-e-nākām mujhe

bāġh-e-ālam meñ vo mānūs-e-giraftārī huuñ

lutf miltā hai nasheman kā tah-e-dām mujhe

huuñ vo barbād ki qismat meñ nasheman na qafas

chal diyā chhoḌ ke sayyād tah-e-dām mujhe

maiñ ne dekhe haiñ bahut ḳhūn-e-tamannā ke rang

sāqiyā de na fareb-e-mai-e-gul-fām mujhe

kis ko degī ġham-o-andoh mirī qismat kā

tū miTā.egī agar gardish-e-ayyām mujhe

paate haiñ dard kī tāsīr isī naam se sher

bā.is-e-faḳhr hai 'mahrūm' mirā naam mujhe

kushta-e-yas hun ummid se kya kaam mujhe

na taDap aur na taDpa dil-e-nakaam mujhe

bagh-e-alam mein wo manus-e-giraftari hun

lutf milta hai nasheman ka tah-e-dam mujhe

hun wo barbaad ki qismat mein nasheman na qafas

chal diya chhoD ke sayyaad tah-e-dam mujhe

main ne dekhe hain bahut KHun-e-tamanna ke rang

saqiya de na fareb-e-mai-e-gul-fam mujhe

kis ko degi gham-o-andoh meri qismat ka

tu miTaegi agar gardish-e-ayyam mujhe

pate hain dard ki tasir isi nam se sher

bais-e-faKHr hai 'mahrum' mera nam mujhe