kuche mein un ke jaana mana ki pur-KHatar hai

kūche meñ un ke jaanā maanā ki pur-ḳhatar hai

mūsal se kyoñ Dareñ ham jab okhlī meñ sar hai

taqdīr kā sitāra kitnā 'urūj par hai

nazroñ meñ māh-pāra pahlū meñ nīlufar hai

tum ne maTar pulāv kaisā banāyā begam

chāval to gal ga.e haiñ kachchī magar maTar hai

dil meñ samā na paa.e bhārī vujūd terā

bāñhoñ meñ kaise aa.e moTī tirī kamar hai

har baar ham ne sochā us ko gale lagā.eñ

bach bach ke bhaag niklā chālāk kis qadar hai

rāh-e-vafā meñ us ko 'iqbāl' kaise pakḌūñ

maiñ pichhle moḌ par huuñ vo agle moḌ par hai

kuche mein un ke jaana mana ki pur-KHatar hai

musal se kyon Daren hum jab okhli mein sar hai

taqdir ka sitara kitna 'uruj par hai

nazron mein mah-para pahlu mein nilufar hai

tum ne maTar pulaw kaisa banaya begam

chawal to gal gae hain kachchi magar maTar hai

dil mein sama na pae bhaari wujud tera

banhon mein kaise aae moTi teri kamar hai

har bar hum ne socha us ko gale lagaen

bach bach ke bhag nikla chaalak kis qadar hai

rah-e-wafa mein us ko 'iqbaal' kaise pakDun

main pichhle moD par hun wo agle moD par hai