کوزہ گر کون سی مٹی سے بنایا مجھ کو

کوزہ گر کون سی مٹی سے بنایا مجھ کو

عشق کرنے کے سوا کچھ نہیں آیا مجھ کو

اس مسافر کو اجالے کی ہوس تھی شاید

رات بھر اس نے چراغوں سا جلایا مجھ کو

اس سے کہنا کہ ابھی رکھے مرا قرض وفا

یعنی رہنے دے ابھی خود پہ بقایا مجھ کو

پھل بڑی چیز ہے پھول ان کے میسر نہ ہوئے

راس آیا نہ کسی پیڑ کا سایا مجھ کو

سر پہ جب ٹوٹ پڑا میرے مصیبت کا پہاڑ

پھر نظر آنے لگا اپنا پرایا مجھ کو

میں گل تازہ تھا مرجھانے سے پہلے اس نے

شاخ سے توڑ کے جوڑے میں سجایا مجھ کو

خواب میں مجھ سے غزل کہتی ہے اکثر دلبرؔ

شعر کہنے کے لیے اس نے بنایا مجھ کو