kuza-gar kaun si miTTi se banaya mujhko

kūza-gar kaun sī miTTī se banāyā mujh ko

ishq karne ke sivā kuchh nahīñ aaya mujh ko

us musāfir ko ujāle kī havas thī shāyad

rāt-bhar us ne charāġhoñ sā jalāyā mujh ko

us se kahnā ki abhī rakkhe mirā qarz-e-vafā

yaanī rahne de abhī ḳhud pe baqāyā mujh ko

phal baḌī chiiz hai phuul un ke mayassar na hue

raas aaya na kisī peḌ kā saayā mujh ko

sar pe jab TuuT paḌā mere musībat kā pahāḌ

phir nazar aane lagā apnā-parāyā mujh ko

maiñ gul-e-tāza thā murjhāne se pahle us ne

shāḳh se toḌ ke juuḌe meñ sajāyā mujh ko

ḳhvāb meñ mujh se ġhazal kahtī hai aksar 'dilbar'

sher kahne ke liye us ne banāyā mujh ko

kuza-gar kaun si miTTi se banaya mujh ko

ishq karne ke siwa kuchh nahin aaya mujh ko

us musafir ko ujale ki hawas thi shayad

raat-bhar us ne charaghon sa jalaya mujh ko

us se kahna ki abhi rakkhe mera qarz-e-wafa

yani rahne de abhi KHud pe baqaya mujh ko

phal baDi chiz hai phul un ke mayassar na hue

ras aaya na kisi peD ka saya mujh ko

sar pe jab TuT paDa mere musibat ka pahaD

phir nazar aane laga apna-paraya mujh ko

main gul-e-taza tha murjhane se pahle us ne

shaKH se toD ke juDe mein sajaya mujh ko

KHwab mein mujh se ghazal kahti hai aksar 'dilbar'

sher kahne ke liye us ne banaya mujh ko