kuza-gar ke ghar ummiden aai hain

kūza-gar ke ghar ummīdeñ aa.ī haiñ

miTTī ke putle meñ sāñseñ aa.ī haiñ

ghabrā kar bistar se uTh baiThā huuñ maiñ

niiñd meñ phir ḳhvāboñ kī lāsheñ aa.ī haiñ

kis ne dastak dī hai merī palkoñ par

āñkhoñ kī dahlīz pe yādeñ aa.ī haiñ

ḳhvāb meñ us ko rote dekh liyā thā bas

man meñ jaane kyā kyā bāteñ aa.ī haiñ

āñkheñ surḳh dikhīñ to maiñ ne pūchh liyā

us kā vahī bahāna āñkheñ aa.ī haiñ

ik takiye pe maiñ aur merī tanhā.ī

aisī jaane kitnī rāteñ aa.ī haiñ

rishtoñ kā ā.īna kab kā TuuT chukā

'mīt' ke hisse keval kircheñ aa.ī haiñ

kuza-gar ke ghar ummiden aai hain

miTTi ke putle mein sansen aai hain

ghabra kar bistar se uTh baiTha hun main

nind mein phir KHwabon ki lashen aai hain

kis ne dastak di hai meri palkon par

aankhon ki dahliz pe yaaden aai hain

KHwab mein us ko rote dekh liya tha bas

man mein jaane kya kya baaten aai hain

aankhen surKH dikhin to main ne puchh liya

us ka wahi bahana aankhen aai hain

ek takiye pe main aur meri tanhai

aisi jaane kitni raaten aai hain

rishton ka aaina kab ka TuT chuka

'mit' ke hisse kewal kirchen aai hain