kya ajab marne pe bhi ishq ki KHu sath rahe

kyā ajab marne pe bhī ishq kī ḳhū saath rahe

suukh bhī jaa.e agar phuul to bū saath rahe

kāñpte hāthoñ se dāmān-e-taqaddus na chhuTe

mai-kade jā.ūñ to ik zarf-e-vazū saath rahe

a ḳhayāl-e-ruḳh-e-jānāñ mirī jaañ tujh pe nisār

donoñ aalam mujhe hāsil haiñ jo tū saath rahe

ham gadā-e-dar-e-mai-ḳhāna ko hai kaam se kaam

jām-o-sāġhar na sahī ek adū saath rahe

kuchh to anjām-e-mohabbat kī ḳhabar ho us ko

merā madfan jo miTāo to kadū saath rahe

chhoḌ jaatā hai koī apnī zarūrat kī chiiz

jā.ūñ masjid meñ jo maiñ jām-o-subū saath rahe

ashk-e-ḳhūnīn kā bhī taar na TuuTe a dil

zaḳhm-e-ġham ke liye ik tār-e-rafū saath rahe

qatra-e-ashk na ḳhālī rahe rañgīnī se

jab kabhī aañkh se nikle to lahū saath rahe

tujh pe khul jaa.e tire dil kī haqīqat zāhid

ek dam bhī jo koī ā.īna-rū saath rahe

tīr-e-sayyād na nikle tire dil se 'bedil'

toḌ kar nikle bhī dil ko to lahū saath rahe

kya ajab marne pe bhi ishq ki KHu sath rahe

sukh bhi jae agar phul to bu sath rahe

kanpte hathon se daman-e-taqaddus na chhuTe

mai-kade jaun to ek zarf-e-wazu sath rahe

a KHayal-e-ruKH-e-jaanan meri jaan tujh pe nisar

donon aalam mujhe hasil hain jo tu sath rahe

hum gada-e-dar-e-mai-KHana ko hai kaam se kaam

jam-o-saghar na sahi ek adu sath rahe

kuchh to anjam-e-mohabbat ki KHabar ho us ko

mera madfan jo miTao to kadu sath rahe

chhoD jata hai koi apni zarurat ki chiz

jaun masjid mein jo main jam-o-subu sath rahe

ashk-e-KHunin ka bhi tar na TuTe a dil

zaKHm-e-gham ke liye ek tar-e-rafu sath rahe

qatra-e-ashk na KHali rahe rangini se

jab kabhi aankh se nikle to lahu sath rahe

tujh pe khul jae tere dil ki haqiqat zahid

ek dam bhi jo koi aaina-ru sath rahe

tir-e-sayyaad na nikle tere dil se 'bedil'

toD kar nikle bhi dil ko to lahu sath rahe