kya baat nirali hai mujh mein kis fan mein aaKHir yakta hun
kya baat nirali hai mujh mein kis fan mein aaKHir yakta hun
Athar Nafees
MORE BYAthar Nafees
kyā baat nirālī hai mujh meñ kis fan meñ āḳhir yaktā huuñ
kyuuñ mere liye tum kuḌhte ho maiñ aisā kaun anokhā huuñ
vo lamha yaad karo jab tum is qalb-sarā meñ aa.e the
us roz se apnā haal hai ye kabhī hañstā huuñ kabhī rotā huuñ
kuchh bhūlī-bisrī yādoñ kā albelā shahr basāyā hai
koī vaqt mile to aa niklo yahīñ miltā huuñ yahīñ rahtā huuñ
kuchh aur baḌhe is raste meñ anfās-e-rifāqat kī ḳhushbū
tum saath sahī hamrāh sahī maiñ phir bhī tanhā tanhā huuñ
maiñ ḳhāk-basar maiñ arsh-nashīñ maiñ sab kuchh huuñ maiñ kuchh bhī nahīñ
maiñ tere gumāñ se patthar huuñ maiñ tere yaqīñ se hiirā huuñ
kya baat nirali hai mujh mein kis fan mein aaKHir yakta hun
kyun mere liye tum kuDhte ho main aisa kaun anokha hun
wo lamha yaad karo jab tum is qalb-sara mein aae the
us roz se apna haal hai ye kabhi hansta hun kabhi rota hun
kuchh bhuli-bisri yaadon ka albela shahr basaya hai
koi waqt mile to aa niklo yahin milta hun yahin rahta hun
kuchh aur baDhe is raste mein anfas-e-rifaqat ki KHushbu
tum sath sahi hamrah sahi main phir bhi tanha tanha hun
main KHak-basar main arsh-nashin main sab kuchh hun main kuchh bhi nahin
main tere guman se patthar hun main tere yaqin se hira hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
