kya bad-gumaniyan hain meri jaan lijiye

kyā bad-gumāniyāñ haiñ mirī jaan lījiye

ye dil to hai vahī ise pahchān lījiye

ham se to ye kabhī nahīñ hone kā nāseho

suniye tumhārī baat ko aur maan lījiye

ne aish kī talab hai na ishrat kī aarzū

ai charḳh kis liye tirā ehsān lījiye

gar hukm ho to kaaT ke sar aage lā rakhūñ

lene kā is ke rakhiye na armān lījiye

aayā huuñ tañg shahr meñ vahshat ke haath se

jī chāhtā hai rāh-e-bayābān lījiye

gar imtihān-e-ishq ho manzūr to abhī

kartā huuñ maiñ niyāz dil o jaan lījiye

muñh dekh nau-ḳhatoñ kā yahī aa.e hai ḳhayāl

de kar ke naqd-e-jān ye qur.ān lījiye

kya bad-gumaniyan hain meri jaan lijiye

ye dil to hai wahi ise pahchan lijiye

hum se to ye kabhi nahin hone ka naseho

suniye tumhaari baat ko aur man lijiye

ne aish ki talab hai na ishrat ki aarzu

ai charKH kis liye tera ehsan lijiye

gar hukm ho to kaT ke sar aage la rakhun

lene ka is ke rakhiye na arman lijiye

aaya hun tang shahr mein wahshat ke hath se

ji chahta hai rah-e-bayaban lijiye

gar imtihan-e-ishq ho manzur to abhi

karta hun main niyaz dil o jaan lijiye

munh dekh nau-KHaton ka yahi aae hai KHayal

de kar ke naqd-e-jaan ye quran lijiye