kya banawaT ne nikale nai talwar ke hath

kyā banāvaT ne nikāle na.ī talvār ke haath

ḳhuun barsāte haiñ mehñdī-bharī sarkār ke haath

ghoñTte dam meñ kisī tifl-e-tarahdār ke haath

o masīhā na lagānā dil-e-bīmār ke haath

maut likkhī thī magar abrū-e-ḳhamdār ke haath

merā paiġhām-e-ajal aatā hai talvār ke haath

kabhī hai tiir kī chuTkī kabhī talvār ke haath

nichle rahte hī nahīñ shoḳh sitamgār ke haath

terī baḳhshish hai to kyā garmī-e-mahshar se ḳhatar

gosha-e-dāman-e-rahmat hai gunahgār ke haath

khīñchtā hai koī dil meñ se tasavvur terā

uThte siine se nahīñ kyoñ tire bīmār ke haath

maiñ vo huuñ jins ki hotā nahīñ saudā merā

bechiye muft bhī gar mujh ko ḳharīdār ke haath

bait-e-abrū pe na.e til meñ ye mazmūñ hai aur

chaḌh ga.e raat kisī shā.ir-e-mai-ḳhvār ke haath

kashmakash bād-e-fanā bhī na ga.ī duniyā kī

ek ke haath se chhūTe to paḌe chaar ke haath

bul-havas chup hai jo āñchal ko tumhāre chhū kar

baat kuchh tah kī paḌī mahram-e-asrār ke haath

shāna kī dast-darāzī hai sitam kā bā'is

roz kaT jaate haiñ nāhaq yūñhīñ do-chār ke haath

na bachā sail-e-fanā se ye makān-e-ḳhākī

ik zamāne ne lagā.e dar-o-dīvār ke haath

na to dīñ-dār se matlab hai na kāfir se ġharaz

kab haiñ pāband yahāñ sub.ha-o-zunnār ke haath

ik zuleḳhā se bhalā qīmat-e-yūsuf kyā ho

bhaav baḌhtā hai magar garmī-e-bāzār ke haath

kah diyā āshiq-e-abrū ko musalmāñ kis ne

vo lagāne nahīñ dete mujhe zunnār ke haath

ab gale lagte haiñ be-sāḳhta un ke 'sho.ala'

yā lagāne nahīñ paate the kabhī haar ke haath

kya banawaT ne nikale nai talwar ke hath

KHun barsate hain mehndi-bhari sarkar ke hath

ghonTte dam mein kisi tifl-e-tarahdar ke hath

o masiha na lagana dil-e-bimar ke hath

maut likkhi thi magar abru-e-KHamdar ke hath

mera paigham-e-ajal aata hai talwar ke hath

kabhi hai tir ki chuTki kabhi talwar ke hath

nichle rahte hi nahin shoKH sitamgar ke hath

teri baKHshish hai to kya garmi-e-mahshar se KHatar

gosha-e-daman-e-rahmat hai gunahgar ke hath

khinchta hai koi dil mein se tasawwur tera

uThte sine se nahin kyon tere bimar ke hath

main wo hun jins ki hota nahin sauda mera

bechiye muft bhi gar mujh ko KHaridar ke hath

bait-e-abru pe nae til mein ye mazmun hai aur

chaDh gae raat kisi shair-e-mai-KHwar ke hath

kashmakash baad-e-fana bhi na gai duniya ki

ek ke hath se chhuTe to paDe chaar ke hath

bul-hawas chup hai jo aanchal ko tumhaare chhu kar

baat kuchh tah ki paDi mahram-e-asrar ke hath

shana ki dast-daraazi hai sitam ka ba'is

roz kaT jate hain nahaq yunhin do-chaar ke hath

na bacha sail-e-fana se ye makan-e-KHaki

ek zamane ne lagae dar-o-diwar ke hath

na to din-dar se matlab hai na kafir se gharaz

kab hain paband yahan subha-o-zunnar ke hath

ek zuleKHa se bhala qimat-e-yusuf kya ho

bhaw baDhta hai magar garmi-e-bazar ke hath

kah diya aashiq-e-abru ko musalman kis ne

wo lagane nahin dete mujhe zunnar ke hath

ab gale lagte hain be-saKHta un ke 'shoala'

ya lagane nahin pate the kabhi haar ke hath