kya bataen aap se kya hasti-e-insan hai

kyā batā.eñ aap se kyā hastī-e-insān hai

aadmī jazbāt-o-ehsāsāt kā tūfān hai

ishtirākiyyat mirā diin aur mirā īmān hai

kaash motor le sakūñ maiñ ye mirā armān hai

aah is dānish-kade meñ kis qadar hai qaht-e-husn

jab se aayā huuñ yahāñ bazm-e-nazar vīrān hai

ye kitābeñ har taraf hoñ yā butān-e-muntaḳhab

barguzīda hastiyoñ kā ek hī armān hai

fikr kī duniyā meñ columbus banā phirtā huuñ maiñ

ilm kī pahnā.ī kā kitnā baḌā faizān hai

aaj america meñ kal london meñ parsoñ ruus meñ

aadmī kī sar-bulandī kī yahī pahchān hai

is qadar khaa.e haiñ yāroñ ke bichhaḌ jaane ke daaġh

dil nahīñ ab ek ḳhākistar-shuda shamshān hai

jaise jaise baḌh rahā hai merā ohda dostoñ

vaise vaise ruuh merī aur bhī vīrān hai

laḌkhaḌātā Thokareñ khātā kidhar jaatā huuñ maiñ

hai añdherā ghup fazā aur dil-e-sunsān hai

kya bataen aap se kya hasti-e-insan hai

aadmi jazbaat-o-ehsasat ka tufan hai

ishtirakiyyat mera din aur mera iman hai

kash motor le sakun main ye mera arman hai

aah is danish-kade mein kis qadar hai qaht-e-husn

jab se aaya hun yahan bazm-e-nazar viran hai

ye kitaben har taraf hon ya butan-e-muntaKHab

barguzida hastiyon ka ek hi arman hai

fikr ki duniya mein columbus bana phirta hun main

ilm ki pahnai ka kitna baDa faizan hai

aaj america mein kal london mein parson rus mein

aadmi ki sar-bulandi ki yahi pahchan hai

is qadar khae hain yaron ke bichhaD jaane ke dagh

dil nahin ab ek KHakistar-shuda shamshan hai

jaise jaise baDh raha hai mera ohda doston

waise waise ruh meri aur bhi viran hai

laDkhaData Thokaren khata kidhar jata hun main

hai andhera ghup faza aur dil-e-sunsan hai