kya bataen KHud ko kyon barbaad karte rah gae

kyā batā.eñ ḳhud ko kyoñ barbād karte rah ga.e

umr bhar ik shaḳhs kī imdād karte rah ga.e

chand ġhazleñ likh ke un ko shohrateñ hāsil huiiñ

aur ham bas dard kā anuvād karte rah ga.e

rāste bilkul ġhalat phir bhī unheñ manzil milī

ham sahī rastoñ ko hī ījād karte rah ga.e

dekhiye maalī ne phūloñ ko masal kar rakh diyā

aur ham ik fāḳhta āzād karte rah ga.e

ek chehra jo mirī āñkhoñ meñ ghar kartā rahā

bas usī chehre ko 'satya' yaad karte rah ga.e

kya bataen KHud ko kyon barbaad karte rah gae

umr bhar ek shaKHs ki imdad karte rah gae

chand ghazlen likh ke un ko shohraten hasil huin

aur hum bas dard ka anuwad karte rah gae

raste bilkul ghalat phir bhi unhen manzil mili

hum sahi raston ko hi ijad karte rah gae

dekhiye mali ne phulon ko masal kar rakh diya

aur hum ek faKHta aazad karte rah gae

ek chehra jo meri aankhon mein ghar karta raha

bas usi chehre ko 'satya' yaad karte rah gae