kya bataen ki humne kya dekha

kyā batā.eñ ki ham ne kyā dekhā

kaun zāhir kise chhupā dekhā

zarre zarre meñ hai kahīñ maujūd

aur kahīñ sab se vo judā dekhā

jo kisī ne zabāñ se farmāyā

sach har ik lafz bā-ḳhudā dekhā

koī sūrat jo yaad aa.ī hameñ

jhāñk kar dil kā aa.ina dekhā

ḳhvāb kī pūchhte haiñ ta.abīreñ

ye batāte nahīñ ki kyā dekhā

haañ isī din ko rokte the 'nasīm'

ġhair ko tum ne aazmā dekhā

kya bataen ki hum ne kya dekha

kaun zahir kise chhupa dekha

zarre zarre mein hai kahin maujud

aur kahin sab se wo juda dekha

jo kisi ne zaban se farmaya

sach har ek lafz ba-KHuda dekha

koi surat jo yaad aai hamein

jhank kar dil ka aaina dekha

KHwab ki puchhte hain tabiren

ye batate nahin ki kya dekha

han isi din ko rokte the 'nasim'

ghair ko tum ne aazma dekha