kya bataun be-tire kaisa raha

kyā batā.ūñ be-tire kaisā rahā

ye samajh mar mar ke maiñ jiitā rahā

chaudhvīñ kī raat meñ niklā jo chāñd

mujh ko pahroñ aap kā dhokā rahā

bhuul kar bhī tum ko kuchh aaya na dhyān

marne vaalā mar gayā jiitā rahā

kis liye auroñ se ho tum pūchhte

dekh lo ab aa ke mujh meñ kyā rahā

jī gayā to maiñ ye samjhā jī gayā

jiite jī kā rog thā jaatā rahā

kyā lagāyā haath dhaḌ se aap ne

paañv par sar kaT ke dhaḌ se aa rahā

rakh ga.e do phuul mere Dher par

mar ga.e par bojh ye un kā rahā

maiñ hī ik kāñTā thā so maiñ bhī nahīñ

sach hai ab kis kā unheñ khaTkā rahā

kya bataun be-tire kaisa raha

ye samajh mar mar ke main jita raha

chaudhwin ki raat mein nikla jo chand

mujh ko pahron aap ka dhoka raha

bhul kar bhi tum ko kuchh aaya na dhyan

marne wala mar gaya jita raha

kis liye auron se ho tum puchhte

dekh lo ab aa ke mujh mein kya raha

ji gaya to main ye samjha ji gaya

jite ji ka rog tha jata raha

kya lagaya hath dhaD se aap ne

panw par sar kaT ke dhaD se aa raha

rakh gae do phul mere Dher par

mar gae par bojh ye un ka raha

main hi ek kanTa tha so main bhi nahin

sach hai ab kis ka unhen khaTka raha