kya bataun ki hai kis zulf ka sauda mujhko

kyā batā.ūñ ki hai kis zulf kā saudā mujh ko

dūd-e-har-sham.a garebāñ nazar aayā mujh ko

chāñd jo ubhrā shab-e-ġham mire dil meñ Duubā

bhīgtī raat ne kuchh aur jalāyā mujh ko

haa.e kyā kyā mujhe betāb rakhā hai us ne

yaad karne pe bhī jo yaad na aayā mujh ko

ab to sāñsoñ ke tamavvuj se bhī jī Dartā hai

zindagī tū ne ye kis ghaaT utārā mujh ko

the mirī pusht pe aqdār ke Dhalte sūraj

ban gayā rāh-numā apnā hī saayā mujh ko

raah be-samt hai uftād hai manzil apnī

ḳhāk-e-sahrā huuñ uḌātā hai bagūlā mujh ko

pahle dīvār uThā.ī thī ki ḳhud ko dekhūñ

ab yahāñ koī nahīñ dekhne vaalā mujh ko

le uḌī mujh ko mire zehn kī ḳhushbū tausīf

tū ne kyā soch ke zanjīr kiyā thā mujh ko

kya bataun ki hai kis zulf ka sauda mujh ko

dud-e-har-shama gareban nazar aaya mujh ko

chand jo ubhra shab-e-gham mere dil mein Duba

bhigti raat ne kuchh aur jalaya mujh ko

hae kya kya mujhe betab rakha hai us ne

yaad karne pe bhi jo yaad na aaya mujh ko

ab to sanson ke tamawwuj se bhi ji Darta hai

zindagi tu ne ye kis ghaT utara mujh ko

the meri pusht pe aqdar ke Dhalte suraj

ban gaya rah-numa apna hi saya mujh ko

rah be-samt hai uftad hai manzil apni

KHak-e-sahra hun uData hai bagula mujh ko

pahle diwar uThai thi ki KHud ko dekhun

ab yahan koi nahin dekhne wala mujh ko

le uDi mujh ko mere zehn ki KHushbu tausif

tu ne kya soch ke zanjir kiya tha mujh ko