کیا بجھائیں گے پیاس گنتی کے
کیا بجھائیں گے پیاس گنتی کے
ہیں لبالب گلاس گنتی کے
انگنت ہیں خوشی کے ساتھ یہاں
پاس غم جن کے پاس گنتی کے
ہر کسی کے نہ آؤ چکر میں
ہیں قیافہ شناس گنتی کے
ہر جگہ آئیں گے نظر تم کو
اہل زر خوش لباس گنتی کے
بوالہوس خود پرست دنیا میں
بے ریا خود شناس گنتی کے
ڈگریاں یافتہ ہزاروں ہیں
ہیں حقیقت میں پاس گنتی کے
یوں تو فن کار ہیں کئی مخلصؔ
فن جنہیں آیا راس گنتی کے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
