kya bujhaenge pyas ginti ke

kyā bujhā.eñge pyaas gintī ke

haiñ labālab gilās gintī ke

anginat haiñ ḳhushī ke saath yahāñ

pās-e-ġham jin ke paas gintī ke

har kisī ke na aao chakkar meñ

haiñ qayāfa-shanās gintī ke

har jagah ā.eñge nazar tum ko

ahl-e-zar ḳhush-libās gintī ke

bul-havas ḳhud-parast duniyā meñ

be-riyā ḳhud-shanās gintī ke

Digriyāñ-yāfta hazāroñ haiñ

haiñ haqīqat meñ paas gintī ke

yuuñ to fankār haiñ ka.ī 'muḳhlis'

fan jinheñ aayā raas gintī ke

kya bujhaenge pyas ginti ke

hain labaalab gilas ginti ke

anginat hain KHushi ke sath yahan

pas-e-gham jin ke pas ginti ke

har kisi ke na aao chakkar mein

hain qayafa-shanas ginti ke

har jagah aaenge nazar tum ko

ahl-e-zar KHush-libas ginti ke

bul-hawas KHud-parast duniya mein

be-riya KHud-shanas ginti ke

Digriyan-yafta hazaron hain

hain haqiqat mein pas ginti ke

yun to fankar hain kai 'muKHlis'

fan jinhen aaya ras ginti ke