kya dekhte ho rah mein ruk kar yahan wahan
kyā dekhte ho raah meñ ruk kar yahāñ vahāñ
hai qatl-o-ḳhūñ kā ek sā manzar yahāñ vahāñ
zer-e-nagīñ usī ke sabhī qarya-o-dayār
us ke hī sab haiñ ḳhema-o-lashkar yahāñ vahāñ
hai darmiyān-e-ḳhanjar-o-sar fāsle kā farq
varna saroñ pe hai vahī ḳhanjar yahāñ vahāñ
shīshe ke sab makāñ haiñ shikasta idhar udhar
bikhre paḌe haiñ shahr meñ patthar yahāñ vahāñ
mahfūz rah gayā na koī rāsta na moḌ
jaayā karo na ghar se nikal kar yahāñ vahāñ
lagtā hai ab ulaTne ko hai ye bisāt-e-shab
sargoshiyāñ yahī haiñ barābar yahāñ vahāñ
'mohsin' ajiib habs kā aalam hai aur maiñ
koī darīcha hai na koī dar yahāñ vahāñ
kya dekhte ho rah mein ruk kar yahan wahan
hai qatl-o-KHun ka ek sa manzar yahan wahan
zer-e-nagin usi ke sabhi qarya-o-dayar
us ke hi sab hain KHema-o-lashkar yahan wahan
hai darmiyan-e-KHanjar-o-sar fasle ka farq
warna saron pe hai wahi KHanjar yahan wahan
shishe ke sab makan hain shikasta idhar udhar
bikhre paDe hain shahr mein patthar yahan wahan
mahfuz rah gaya na koi rasta na moD
jaya karo na ghar se nikal kar yahan wahan
lagta hai ab ulaTne ko hai ye bisat-e-shab
sargoshiyan yahi hain barabar yahan wahan
'mohsin' ajib habs ka aalam hai aur main
koi daricha hai na koi dar yahan wahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
