kya din the jab chhup chhup kar tum pas hamare aate the

kyā din the jab chhup chhup kar tum paas hamāre aate the

kāñpte the badnāmī ke Dar se aañsū pī pī jaate the

haa.e javānī kyā mausam thā ab vo din yaad aate haiñ

rūThte the ham har-dam un pe aur vo aa ke manāte the

haa.e ġhazab hai mujh vahshī ko us mausam meñ qaid kiyā

sun jab shor-e-fasl-e-bahārāñ murġh-e-qafas ghabrāte the

zikr kiyā maiñ aap kā kis se kis ke aage naam liyā

dushman the vo log mire jo aap ke ta.iiñ bahkāte the

haa.e vo pahle chaah kā aalam kis se maiñ iz.hār karūñ

maiñ to hijāb se aap ḳhajil thā vo mujh se sharmāte the

us se 'havas' milnā mushkil thā par vo ham se duur na the

un kī hī tasvīr se har-dam apnā jī bahlāte the

kya din the jab chhup chhup kar tum pas hamare aate the

kanpte the badnami ke Dar se aansu pi pi jate the

hae jawani kya mausam tha ab wo din yaad aate hain

ruThte the hum har-dam un pe aur wo aa ke manate the

hae ghazab hai mujh wahshi ko us mausam mein qaid kiya

sun jab shor-e-fasl-e-bahaaran murgh-e-qafas ghabraate the

zikr kiya main aap ka kis se kis ke aage nam liya

dushman the wo log mere jo aap ke tain bahkate the

hae wo pahle chah ka aalam kis se main izhaar karun

main to hijab se aap KHajil tha wo mujh se sharmate the

us se 'hawas' milna mushkil tha par wo hum se dur na the

un ki hi taswir se har-dam apna ji bahlate the