kya hai gar be-sabaat hain hum log

kyā hai gar be-sabāt haiñ ham log

hāsil-e-kā.enāt haiñ ham log

sīna-e-vaqt meñ dhaḌakte haiñ

tāza-tar vārdāt haiñ ham log

ham se paatā hai nuur rū-e-sahar

vaise kahne ko raat haiñ ham log

ham se kuchh bhī nahīñ hai nā-mumkin

fāteh-e-mumkināt haiñ ham log

zaḳhm khāte haiñ muskurāte haiñ

ḳhūgar-e-hādsāt haiñ ham log

pyaas apnī bujhā nahī sakte

go ba-zāhir furāt haiñ ham log

apnī manzil nahīñ koī 'jauhar'

rah-guzār-e-hayāt haiñ ham log

kya hai gar be-sabaat hain hum log

hasil-e-kaenat hain hum log

sina-e-waqt mein dhaDakte hain

taza-tar wardat hain hum log

hum se pata hai nur ru-e-sahar

waise kahne ko raat hain hum log

hum se kuchh bhi nahin hai na-mumkin

fateh-e-mumkinat hain hum log

zaKHm khate hain muskuraate hain

KHugar-e-hadsat hain hum log

pyas apni bujha nahi sakte

go ba-zahir furaat hain hum log

apni manzil nahin koi 'jauhar'

rah-guzar-e-hayat hain hum log