kya hi mil jaega tumko mujhe taDpane se

kyā hī mil jā.egā tum ko mujhe taḌpāne se

rokte kyoñ ho mujhe apne qarīb aane se

shahr vāloñ se kahā us ne uThā kar patthar

koī rishta hī nahīñ hai mirā dīvāne se

jannat-o-hūr ke qissoñ meñ mujhe uljhā kar

shaiḳh jī aap kahāñ chal diye maiḳhāne se

muñh se phir ḳhuun ugaltā hī phiregā shab-bhar

gar jo zāhid kabhī pī le mire paimāne se

ye mirā shauq mujhe aaj kahāñ le aaya

merī mayyat bhī uThī hai to kutub-ḳhāne se

mere hisse meñ jo chādar hai likhī tū ne ḳhudā

kam na paḌ jaa.e kahīñ paañv ko phailāne se

mujh ko ik ḳhvāb ne itnā hai rulāyā ki 'zuhaib'

ab to Dar lagtā hai palkoñ ko bhī jhapkāne se

kya hi mil jaega tum ko mujhe taDpane se

rokte kyon ho mujhe apne qarib aane se

shahr walon se kaha us ne uTha kar patthar

koi rishta hi nahin hai mera diwane se

jannat-o-hur ke qisson mein mujhe uljha kar

shaiKH ji aap kahan chal diye maiKHane se

munh se phir KHun ugalta hi phirega shab-bhar

gar jo zahid kabhi pi le mere paimane se

ye mera shauq mujhe aaj kahan le aaya

meri mayyat bhi uThi hai to kutub-KHane se

mere hisse mein jo chadar hai likhi tu ne KHuda

kam na paD jae kahin panw ko phailane se

mujh ko ek KHwab ne itna hai rulaya ki 'zuhaib'

ab to Dar lagta hai palkon ko bhi jhapkane se