kya hua maine use apni dua man liya

kyā huā maiñ ne use apnī duā maan liyā

mānñe vāloñ ne patthar ko ḳhudā maan liyā

jazba-e-dil kī haqīqat ko na samjhā koī

merī ulfat ko zamāne kī havā maan liyā

thā mirā zarf ki har zaḳhm tabassum laayā

be-vafā maiñ ne adāoñ ko jafā maan liyā

maiñ jo kartā huuñ tire naqsh-e-qadam par sajde

ye mirā pyaar hai kyoñ is ko ḳhatā maan liyā

aaj ġhairoñ kī tarah duur hai mujh se 'ālam'

shikva bejā to na thā us ne burā maan liyā

kya hua main ne use apni dua man liya

manne walon ne patthar ko KHuda man liya

jazba-e-dil ki haqiqat ko na samjha koi

meri ulfat ko zamane ki hawa man liya

tha mera zarf ki har zaKHm tabassum laya

be-wafa main ne adaon ko jafa man liya

main jo karta hun tere naqsh-e-qadam par sajde

ye mera pyar hai kyon is ko KHata man liya

aaj ghairon ki tarah dur hai mujh se 'alam'

shikwa beja to na tha us ne bura man liya