kya ‘ilaj-e-gham ka bhi usko hunar aata nahin

kyā ‘ilāj-e-ġham kā bhī us ko hunar aatā nahīñ

chārāgar merī taraf kyoñ bhuul kar aatā nahīñ

rāsta dushvār hai kāñToñ-bharā bhī hai magar

'ishq kī rāhoñ meñ phūloñ kā safar aatā nahīñ

pyaar kā iz.hār kar do sāmne hai jān-e-man

aisā bhī hotā hai ye pal 'umr bhar aatā nahīñ

jo burā.ī ke muqābil aa ga.e maidān meñ

soch kar anjām un ke dil meñ Dar aatā nahīñ

dekh kar tasvīr dil bahlā rahe haiñ vāldain

lauT kar pardes se nūr-e-nazar aatā nahīñ

band kar Daalā gunāhoñ ne mirī rahmat kā baab

is liye merī du'āoñ meñ asar aatā nahīñ

kaT rahī hai 'umr apnī rāt-bhar jagte hue

is taraf lekin koī le kar sahar aatā nahīñ

vaqt-e-mushkil meñ hamesha sabr se hī kaam lo

vaqt se pahle to peḌoñ par samar aatā nahīñ

chhoḌ kar tum saath merā duur itnā ho ga.e

'yāsmīñ' saaya bhī ab mujh ko nazar aatā nahīñ

kya ‘ilaj-e-gham ka bhi us ko hunar aata nahin

chaaragar meri taraf kyon bhul kar aata nahin

rasta dushwar hai kanTon-bhara bhi hai magar

'ishq ki rahon mein phulon ka safar aata nahin

pyar ka izhaar kar do samne hai jaan-e-man

aisa bhi hota hai ye pal 'umr bhar aata nahin

jo burai ke muqabil aa gae maidan mein

soch kar anjam un ke dil mein Dar aata nahin

dekh kar taswir dil bahla rahe hain waldain

lauT kar pardes se nur-e-nazar aata nahin

band kar Dala gunahon ne meri rahmat ka bab

is liye meri du'aon mein asar aata nahin

kaT rahi hai 'umr apni raat-bhar jagte hue

is taraf lekin koi le kar sahar aata nahin

waqt-e-mushkil mein hamesha sabr se hi kaam lo

waqt se pahle to peDon par samar aata nahin

chhoD kar tum sath mera dur itna ho gae

'yasmin' saya bhi ab mujh ko nazar aata nahin